Nagpapahayag Na Linggo Ng Wikang Pambansa Ang Panahong Sapul Sa Ika-29 Ng Marso Hanggang Ika-4 Ng Abril Ng Bawa’t Taon

Case Overview and Summary

Proklama Blg. 12

Nagpapahayag na Linggo ng Wikang Pambansa ang panahong sapul sa ika-29 ng Marso hanggang ika-4 ng Abril ng bawat taon

• Ipinahayag ang paglikha ng Surian ng Wikang Pambansa at mga batas na naaayon sa utos ng Saligang batas na gagawa ng mga hakbang tungod sa pagpapaunlad at pagpapatibay ng isang wikang pambansa na nasasalig sa isa sa mga umiiral na wikang katutubo.
• Ang pambansang wikang Pilipino ay ipinahayag sa bisa ng Batas Blg. 570 ng Commonwealth na isa sa mga wikang pampamahalaan ng Pilipinas sapul nang ika-apat nia araw ng Hulyo, 1946.
• Hinahangad na maibunsod ng buong sigla ng lahat ng mamamayan na lumahok sa pagbibigay-bisa sa utos ng Saligang batas na binanggit sa itaas.
• Ipinahahayag na Linggo ng Wikang Pambansa ang panahong sapul sa ika-29 ng Marso hanggang ika-4 ng Abril ng bawat taon, na ditoy napapaloob ang kaarawan ng kapanganakan ni Francisco Baltazar, ang bantog na kumatha ng "Florante at Laura".
• Tinatawagan ang lahat ng paaralang bayan at sarili, ang mga dalubhasaan at pamantasan, at ang mga ibang sangay ng kalinangan sa Pilipinas na ipagdiwang ang linggo ng wika sa angkop na paraan at ipakilala ang kanilang maalab na kalooban sa pagpapatibay ng lalong mabibisang hakbang sa pag-papalaganap ng pambansang wikang Filipino.
• Ang proklamang ito ay pamalit sa Proklama Blg. 85 na may petsang Marso 26, 1946.